Ինչպես նախապատրաստվել տեղեկատվական արշավների

17.06.2019, Հայտարարություն

Հուլիսի 3-4-ին Մեդիա նախաձեռնությունների կենտրոնը հրավիրում է հասարակական կազմակերպությունների և քաղաքացիական խմբերի  ներկայացուցիչներին մասնակցելու «Տեղեկատվական արշավների նախագծում» թեմայով  դասընթացին։

Դասընթացը խորհրդատվական է և նպատակ ունի օգնել այն ՔՀԿ-ներին, որոնք մտադիր են առաջիկայում կոնկրետ թեմաներով տեղեկատվական արշավներ անցկացնել։

Քննարկելու ենք տեղեկատվական արշավների հաջողված օրինակներ, վերլուծելու ենք դրանց ռազմավարությունը, կառուցվածքը, լսարանին հասնելու ուղիներն ու գործիքակազմը։ Դասընթացը ներառելու է հետևյալ թեմաները՝  

  • տեղեկատվական արշավներ կազմակերպելու ռազմավարության մշակում,
  • թիրախային լսարանի և գործիքակազմի ընտրություն
  • ասելիքի, ուղերձի ձևակերպում/ վիզուալացում
  • սոցիալական ցանցերում առաջխաղացման և լսարանի ներգրավման հմտություններ։

Որպես ավարտական աշխատանք դասընթացի մասնակիցները մշակելու են տեղեկատվական արշավի նախագիծ՝  կիրառելով ներկայացված գործիքակազմն ու մոտեցումները։

Դասընթացը վարելու են մեդիայի և հաղորդակցության հարցերով փորձագետներ։ Այն անցկացվելու է Երևանից դուրս (անցկացման վայրի մասին մանրամասները կտրամադրվեն ավելի ուշ)։ Մասնակցությունը դասընթացին անվճար է։ Մարզերից մասնակիցների ճանապարհի և կեցության ծախսերը հոգում է Մեդիա նախաձեռնությունների կենտրոնը:

Մասնակցության համար անհրաժեշտ է լրացնել հայտարարությանը կից հայտը։ Դիմելու վերջնաժամկետը 2019 թ․-ի հունիսի 28-ն է։

Լրացուցիչ տեղեկությունների համար կարող եք դիմել Նարինե Սաֆարյանին (ՄՆԿ), հեռ.՝ 010 583620, էլ․ հասցե՝ [email protected]

Դասընթացը կազմակերպվում է ՀԿ Դեպո - Հասարակական կազմակերպությունների զարգացման ծրագրի շրջանակում, որի նպատակներից է նաև զարգացնել մեդիայի և տեղերում գործող ՔՀԿ-ների միջև կապերն ու տեղեկատվության փոխանակությունը:

ՀԿ Դեպո ծրագիրն իրականացվում է Եվրասիա համագործակցություն հիմնադրամի, Հետազոտական ռեսուրսների կովկասյան կենտրոններ - Հայաստան հիմնադրամի (ՀՌԿԿ), Մեդիա նախաձեռնությունների կենտրոն ՀԿ-ի (ՄՆԿ),  Գորիսի մամուլի ակումբ ՀԿ-ի (ԳՄԱ), Զարգացման համայնքային կենտրոն ՀԿ-ի (նախկին Աջակցություն Նոյեմբերյանին ՀԿ), Մարտունու կանանց համայնքային խորհուրդ ՀԿ-ի կողմից` ԱՄՆ միջազգային զարգացման գործակալության աջակցությամբ։ Ծրագրի նպատակն է Հայաստանի քաղաքացիական հասարակության կառույցները զարգացնել այնպես, որ նրանք դառնան երկրում բարեփոխումների գործընթացներին աջակցող կայուն գործիչներ։

Մեկնաբանել

Media.am-ի ընթերցողների մեկնաբանությունները հրապարակվում են մոդերացիայից հետո: Կոչ ենք անում մեր ընթերցողներին անանուն մեկնաբանություններ չթողնել: Միշտ հաճելի է իմանալ, թե ում հետ ես խոսում:
 

Media.am-ը չի հրապարակի զրպարտություն, վիրավորանք, սպառնալիք, ատելություն, կանխակալ վերաբերմունք, անպարկեշտ բառեր եւ արտահայտություններ պարունակող մեկնաբանությունները կամ անընդունելի համարվող այլ բովանդակություն:
Լրացուցիչ տեղեկություններ ?