Գրադարանում. Դավիթ Սանդուխչյան

author_posts/gegham-vardanyan
Գեղամ Վարդանյան

Կրթությամբ ֆիզիկոս, մասնագիտությամբ՝ լրագրող:

Իրավաբան Դավիթ Սանդուխչյանն ասում է, որ նախկին ոստիկանապետ Հայկ Հարությունյանի մահվան  առիթով լրատվամիջոցի կողմից աղբյուրի բացահայտման պահանջն օրինաչափ չէ:

Նա նշում է, որ նման դեպքերում ճիշտ կլինի լրատվամիջոցները կարողանան հանրությանը ապացուցել, որ իրենց հաղորդած լուրը հավաստի է:

«Նման լուրերի հանրային շահը շատ ցածր է, աղբյուրը չբացահայտելը ևս հանրային շահ է, բայց դա չի նշանակում, որ լրատվամիջոցը կարող է հրապարկել նյութ, որը վստահություն չի ներշնչում: Այն պետք է հասկանա, որ դա կասկածելի տեղեկատվություն է», – ասում է Սանդուխչյանը:

Անդրադառնալով լրատվամիջոցների թափանցիկությանը, նա մեջբերում է Եվրամիության կարգավորումը, որով թափացիկությունը բազմակարծության հետ է կապվում.

«Բազմակարծությունը պարտադիր հիմք է ժողովրդավարության համար, մյուս կողմից դա անհնար է առանց ֆինանսական թափանցիկության: Մարդիկ պետք է կարողանան դատել, թե ինչքանով է լրատվամիջոցը կախված իր սեփականատերերից կամ իրեն ֆինանսավորող անձերից»:

Նրա խոսքով, մեկ տարի առաջ անցկացրած հետազոտությունը ցույց է տվել, որ լրատվական կայքերի դեպքում ֆինանսական, սեփականատերերի, խմբագրի և լրագրողների մասին տեղեկությունները բացակայում են 80 տոկոսի մոտ:

Եվ եթե նույնիսկ ֆինանսական տվյալներ հրապարակվում են, դրանք ընդհանուր են, չկան մանրամասն տեղեկություններ լրատվամիջոցի գովազդի, լրատվամիջոցին անանուն բարեգործական և ոչ այդքան բարեգործական փոխանցումների մասին:

«ԶԼՄ օրենքը պետք է խստացնել, լրատվամիջոցները պետք է լինեն թափացիկ, և արգելվեն նվիրատվությունները», – ամփոփում է Սանդուխչյանը:

Գեղամ Վարդանյան


Մեկնաբանել

Media.am-ի ընթերցողների մեկնաբանությունները հրապարակվում են մոդերացիայից հետո: Կոչ ենք անում մեր ընթերցողներին անանուն մեկնաբանություններ չթողնել: Միշտ հաճելի է իմանալ, թե ում հետ ես խոսում:

Media.am-ը չի հրապարակի զրպարտություն, վիրավորանք, սպառնալիք, ատելություն, կանխակալ վերաբերմունք, անպարկեշտ բառեր եւ արտահայտություններ պարունակող մեկնաբանությունները կամ անընդունելի համարվող այլ բովանդակություն:

Leave a Reply

Your email address will not be published. Required fields are marked *